ԻԼՀԱՄ ԱԼԻԵՎ. ԶԱՆԳԵԶՈՒՐԻ ՄԻՋԱՆՑՔՆ ԻՐ ԴԵՐՆ Է ՈՒՆԵՆԱԼՈՒ ՆԱԽՉԸՎԱՆԻ ԷԼԵԿՏՐԱԷՆԵՐԳԻԱՅՈՎ ԱՊԱՀՈՎԵԼՈՒ ԳՈՐԾՈՒՄ
«Արդեն ծրագրում ենք Զանգեզուրի միջանցքով Ադրբեջանից Նախչըվանի Ինքնավար Հանրապետություն, այնտեղից էլ Թուրքիա և Իրան նոր գիծ կառուցել»:Այս մասին հայտարարել է նախագահ Իլհամ Ալիևը «Ազերթաջ» լրատվական գործակալությանը տված հարցազրույցում։
«Ես արդեն ասել եմ, որ Զանգեզուրի միջանցքն իր դերը կկատարի ոչ միայն երկաթուղային, ավտոմոբիլային, օդային տրանսպորտի բացման, այլև այս միջանցքով էներգիայի տեսակների արտահանման և Նախչըվանի Ինքնավար Հանրապետությունն էլեկտրաէներգիայով ապահովելու համար, որն Ադրբեջանի անբաժանելի մասն է։ Այնտեղից մենք կունենանք նոր գիծ արտաքին շուկաներ դուրս գալու համար, և Թուրքիայից հետո՝ Եվրոպա», - ասել է նախագահը։