ԻԼՀԱՄ ԱԼԻԵՎ. ՄԵՆՔ ՀՈՒՅՍ ՈՒՆԵՆՔ, ՈՐ ՀԱՅԱՍՏԱՆԻ ՀԵՏ ՀԱՐԱԲԵՐՈՒԹՅՈՒՆՆԵՐԸ ԿԿԱՐԳԱՎՈՐՎԵՆ
Հուսով ենք, որ Հայաստանի հետ հարաբերությունները նույնպես կկարգավորվեն, ինչպես դա երեկ մենք քննարկել ենք վարչապետ Փաշինյանի և նախագահ Միշելի հետ։Այս մասին, մասնավորապես, հայտարարել է Ադրբեջանի նախագահ Իլհամ Ալիևը՝ իտալական Il Sole 24 Ore թերթին տված հարցազրույցում։
«Այդ դեպքում Հայաստանը նույնպես հնարավորություն կստանա դառնալու տարածաշրջանային տրանսպորտային ցանցի անդամ, քանի որ ներկայումս նա գտնվում է փակուղային վիճակում։ Ռուսաստանի հետ երկաթուղային կապ չունի, բայց կունենա։ Նա երկաթուղային կապ չունի Իրանի հետ, բայց դա կլինի Ադրբեջանի տարածքով։ Ադրբեջանից Հայաստանի տարածքով հնարավոր կլինի մեկնել Նախչըվանի Ինքնավար Հանրապետություն։ Այստեղ պարտվող կողմ չկա։ Կարծում եմ, որ Հայաստանն իրոք պետք է գիտակցի այս մեծ հնարավորությունը, որպեսզի գործի ավելի ակտիվ և չվարանի միանալ մեզ ապագայի այս ծրագրերում»,- ասել է պետության ղեկավարը: