ԵՄ ԱԳ ՆԱԽԱՐԱՐՆԵՐԻ ԽՈՐՀՈՒՐԴԸ ԿՔՆՆԱՐԿԻ ՏՈՅՎՈ ԿԼԱԱՐԻ ՄԱՆԴԱՏԻ ԵՐԿԱՐԱՁԳՄԱՆ ՀԱՐՑԸ
Այսօր Բրյուսելում տեղի կունենա ԵՄ ԱԳ նախարարների խորհրդի նիստ։ Այն կնախագահի ԵՄ արտաքին քաղաքականության և անվտանգության հարցերով Բարձր ներկայացուցիչ Ժոզեպ Բորելը։Օրակարգում ներառված է նաև Հարավային Կովկասում և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարի մանդատի երկարաձգման հարցը։
Բացի այդ, նախատեսվում է համառոտ անդրադառնալ Հայաստանի և Ադրբեջանի միջև հարաբերությունների կարգավորմանն ուղղված ջանքերին, այդ թվում՝ Եվրոպական խորհրդի նախագահ Շառլ Միշելի գործունեությանը։