ՆԱԽԱԳԱՀ ԱԼԻԵՎ. ԵԹԵ ՀԱՅԱՍՏԱՆԸ ԽԱՂԱՂՈՒԹՅՈՒՆ ՉԻ ՈՒԶՈՒՄ, ՈՒՐԵՄՆ ԽԱՂԱՂՈՒԹՅՈՒՆ ՉԻ ԼԻՆԻ
Եթե Հայաստանը խաղաղություն չի ուզում, ուրեմն խաղաղություն չի լինի: Կան երկրներ, որոնք խաղաղության պայմանագիր չեն ստորագրել: Մենք դա գիտենք պատմությունից, բայց դա լավ չի լինի ոչ Հայաստանի, ոչ տարածաշրջանի, և, իհարկե, ոչ Ադրբեջանի համար։ Ուստի մենք դեռ հույս ունենք, որ նրանք խելամիտ կլինեն և չեն դիմի նույն մարտավարությանը, որը կիրառել են օկուպացիայի ժամանակ՝ նախկին Մինսկի խմբի ժամանակ։Այս մասին նախագահ Իլհամ Ալիևն ասել է՝ մայիսի 3-ին Շուշայում «Մեծ Եվրասիայի աշխարհաքաղաքականության ձևավորումը. անցյալից ներկա և ապագա» թեմայով չորրորդ միջազգային համաժողովում:
Պետության ղեկավարն ընդգծել է, որ Հայաստանը կորցրել է իրոք անկախ երկիր դառնալու հնարավորությունը։
«Ոչ ֆորմալ, այլ իրականում անկախ: Իսկ հիմա նրանք նոր տեր կամ տերեր են փնտրում իրենց համար։ Սակայն ոչ վաղուցվա պատմությունը պետք է դաս լինի նրանց համար: Դրա համար էլ հուսով ենք, որ նրանք կհասկանան դա»,- հավելել է նախագահը։