ՀԱԿՈԲ ԱՐՇԱԿՅԱՆ. ԱՏԵԼՈՒԹՅՈՒՆԸ ԿՈՆԿՐԵՏ ԵՐԿՐԻ ՈՒ ԺՈՂՈՎՐԴԻ ՆԿԱՏՄԱՄԲ ՀԻՎԱՆԴՈՒԹՅՈՒՆ Է, ՈՐԸ ՊԵՏՔ Է ԲՈՒԺՎԻ
«Սիրելի հայրենակիցներ, եթե պատրաստվում ենք պատերազմ սկսելու, ապա պետք է կռվենք: Բայց ոչ մի դեպքում չպետք է ատենք որևէ մեկին։Այս մասին փետրվարի 9-ին Ազգային ժողովի նիստում ասել է իշխող՝ «Քաղաքացիական պայմանագիր» կուսակցությունից խորհրդարանի փոխխոսնակ Հակոբ Արշակյանը։
Փոխխոսնակի խոսքով՝ կոնֆլիկտի դեպքում պետք է կիրառվեն դրա համար անհրաժեշտ բոլոր գործիքները։ Նույն սկզբունքը գործում է նաև բանակցային գործընթացում։ «Աշխարհում շատ պատերազմներ են եղել։ Այնուամենայնիվ, այս երկրներն այսօր նստում են բանակցությունների սեղանի շուրջ և երկխոսության մեջ են մտնում։ Նրանք իրար հարևաններ են, առևտուր են անում»,- ասել է Արշակյանը։
Նա կոչ է արել հրաժարվել բոլորի սրտերում թաքնված ատելությունից։ Փոխխոսնակը համոզված է, որ ատելությունը ցանկացածի, ինչպես նաև կոնկրետ երկրի ու ժողովրդի նկատմամբ հիվանդություն է, որը պետք է բուժվի։