ԱԴՐԲԵՋԱՆԻ ԱԳՆ. ԵԱՀԿ ԿԱՐԻՔՆԵՐԻ ԳՆԱՀԱՏՄԱՆ ԱՌԱՔԵԼՈՒԹՅՈՒՆ ՀԱՅԱՍՏԱՆՈՒՄ» ԿՈՉՎՈՂ ՑԱՆԿԱՑԱԾ ԽՈՒՄԲ ԵԱՀԿ ՄԱՆԴԱՏ ՉՈՒՆԻ
«ԵԱՀԿ կարիքների գնահատման առաքելություն» Հայաստան ուղարկելու հարցը երբեք չի քննարկվել՝ ԵԱՀԿ որոշումներ կայացնող ոչ մի հավաքական մարմնի կողմից, և արդյունքում ոչ մի որոշում չի կայացվել այս հարցի վերաբերյալ։Այս մասին նշվում է վ Ադրբեջանի ԱԳՆ հայտարարության մեջ։
«Հետևաբար, «ԵԱՀԿ կարիքների գնահատման առաքելություն Հայաստանում» կոչվող ցանկացած խումբ ԵԱՀԿ մանդատ չունի, չի կարող որևէ կերպ կապված լինել ԵԱՀԿ-ի հետ, և նրա ոչ մի արդյունք կամ զեկույց չի կարող ընդունվել որպես ԵԱՀԿ փաստաթուղթ»,- նշել են Ադրբեջանի ԱԳՆ-ում:
Հայտարարության մեջ նշվում է նաև, որ Հայաստանի այս միակողմանի նախաձեռնությունը ոչ այլ ինչ է, քան մասնավոր այց մի քանի մասնակից պետությունների կողմից, և նման այցի ցանկացած արդյունք կգնահատվի համապատասխան կերպով։
Բացի այդ, ԱԳՆ-ն նշում է, որ ԵԱՀԿ նախագահության և քարտուղարության կողմից նման անխոհեմ միակողմանի գործողությունը հակասում է ցանկացած պատասխանատու և վստահելի միջնորդության և վստահության ամրապնդման հիմնական սկզբունքներին, որոնք պահանջում են, ի թիվս այլ բաների, կողմերի համաձայնությունը, միջնորդների անաչառությունը և պետությունների կողմից միջազգային իրավունքով ստանձնած պարտավորությունների կատարումը: