ԱԴՐԲԵՋԱՆԻ ՊԱՇՏՊԱՆՈՒԹՅԱՆ ՆԱԽԱՐԱՐՆ ԱՅՑԵԼԵԼ Է ՔԱԼԲԱՋԱՐԻ ԵՎ ԼԱՉԻՆԻ ՌԱԶՄԱԿԱՆ ՕԲՅԵԿՏՆԵՐ
Ադրբեջանական բանակում իրականացվող բարեփոխումների շրջանակում շարունակվում են ժամանակակից չափանիշներին համապատասխանող ռազմական ենթակառուցվածքների ստեղծման և ստորաբաժանումների մարտունակության բարձրացման ուղղությամբ միջոցառումները:Այս մասին հայտնում է ՊՆ մամուլի ծառայությունը։
Պաշտպանության նախարար Զաքիր Հասանովը և գերատեսչության ղեկավար կազմը ծանոթացել են Քելբաջարում և Լաչինում կառուցվող ռազմական օբյեկտներում իրականացվող աշխատանքներին։
Նշվել է, որ ազատագրված տարածքներում ռազմական ոստիկանության գործունեությունը բարձր մակարդակով կազմակերպելու նպատակով նախատեսվում է կառուցել զորանոցներ և ծառայողական շինություններ, բաղնիք-լվացքատուն, բուժկետ, ինչպես նաև ժամանակակից սարքավորումներով հագեցված այլ ենթակառուցվածքային օբյեկտներ։
Այնուհետև Զաքիր Հասանովը ստուգել է նյութատեխնիկական ապահովման պահեստները, որոնց շինարարությունը դեռ շարունակվում է։