ՀԱՅՏՆԻ Է ԴԱՐՁԵԼ ՍՈՒՄԳԱՅԻԹԻ ՋԱՐԴԵՐԻ ԿԱԶՄԱԿԵՐՊԻՉ ԷԴՈՒԱՐԴ ԳՐԻԳՈՐՅԱՆԻ ԳՏՆՎԵԼՈՒ ՎԱՅՐԸ
Սումգայիթում զանգվածային ջարդերի կազմակերպիչ Էդուարդ Գրիգորյանը ներկայումս բնակվում է Ռուսաստանի Դաշնության Ստավրոպոլի երկրամասի Կոչուբեևսկի շրջանում։Այս մասին հայտնում է İTV Xəbər-ը։
Մի քանի տարի առաջ տեղեկություն տարածվեց, որ Էդուարդ Գրիգորյանը, ով իր հովանավորների օգնությամբ խուսափեց Սումգայիթում կատարած ծանր հանցագործությունների համար պատժից, բնակվում է Ռուսաստանի Մոսկվայի մարզի Սերգիև Պոսադ քաղաքում։ 2014 թվականին նրա լուսանկարը տարածվեց սոցիալական ցանցերում։
Դրանից հետո, 2015 թվականին Ադրբեջանի գլխավոր դատախազությունը որոշում ընդունեց նրան քրեական պատասխանատվության ենթարկել Քրեական օրենսգրքի «Ազգային և ռասայական իրավահավասարության խախտում», «Զանգվածային անկարգությունների կազմակերպում», «Առանձնակի դաժանությամբ կանխամտածված սպանություն», «Բռնաբարություն մի խումբ անձանց կողմից» հոդվածներով։
Բաքվի Նասիմիի շրջանային դատարանի որոշմամբ նրա նկատմամբ խափանման միջոց է ընտրվել կալանավորումը, և Գրիգորյանի նկատմամբ հետախուզում է հայտարարվել Ինտերպոլի միջոցով։ Հայտնի է դարձել, որ, իմանալով այս մասին, նա լքել է քաղաքը, որտեղ ապրում էր ընտանիքի հետ։
İTV Xəbər-ի կատարած հետաքննության ընթացքում ձեռք է բերվել Գրիգորյանի վերջին լուսանկարը։ Հայտնի է, որ նա տարիքային թոշակի է անցել։ Ներկայումս նա ընտանիքի հետ ապրում է Ռուսաստանի Ստավրոպոլի երկրամասի Կոչուբեևսկի շրջանում։