ԱՄՆ-Ը ԴՐԱԿԱՆ Է ԳՆԱՀԱՏՈՒՄ 10 ՀԱՅ ԳԵՐԻՆԵՐԻ ԱԶԱՏ ԱՐՁԱԿՈՒՄԸ
Միացյալ Նահանգների պետքարտուղարի Եվրոպայի և Եվրասիայի հարցերով օգնական Քարըն Դոնֆրիդը Ադրբեջանի կողմից Հայաստանին 10 գերիներին հանձնելը, ինչպես նաև հայկական կողմից ականապատ դաշտերի քարտեզների տրամադրումը գնահատել է որպես դրական իրադարձություն հարաբերությունների բարելավման ուղղությամբ։ Այդ մասին ամերիկացի բարձրաստիճան դիվանագետն ասել է երեկ Ադրբեջանի արտգործնախարարի հետ հեռախոսազրույցում։Հիշեցնենք, որ դեկտեմբերի 4-ին Ադրբեջանը հայկական կողմին է փոխանցել 10 հայազգի զինծառայողի, այս մասին հայտնել է Ազգային անվտանգության ծառայությունը։
Գերատեսչությունը նշում է, որ հայկական կողմին փոխանցված հայ զինծառայողները ձերբակալվել էին 2021 թվականի նոյեմբերի 16-ին՝ պետական սահմանի Քելբաջարի ուղղությամբ հայկական զինված ուժերի սադրանքը ճնշելու ժամանակ: