ԱՆ ԼԻՆԴԵ. ՎՐԱՍՏԱՆԻ, ՀԱՅԱՍՏԱՆԻ ԵՎ ԱԴՐԲԵՋԱՆԻ ՄԻՋԵՎ ՀԱՄԱԳՈՐԾԱԿՑՈՒԹՅՈՒՆԸ ԿԱՐԵՎՈՐ Է ՀԱՐԱՎԱՅԻՆ ԿՈՎԿԱՍՈՒՄ ԿԱՅՈՒՆ ԶԱՐԳԱՑՄԱՆ ՀԱՄԱՐ
Վրաստանի, Հայաստանի և Ադրբեջանի միջև համագործակցությունը կարևոր է Հարավային Կովկասում կայուն խաղաղության և զարգացման համար:Այս մասին հայտարարել է ԵԱՀԿ գործող նախագահ Ան Լինդեն՝ անդրադառնալով անվտանգության հարցերին նվիրված ամենամյա համաժողովին:
Նա նշել է, որ 2020 թվականին ձեռք բերված զինադադարը վերջ դրեց հայ-ադրբեջանական Երկրորդ ղարաբաղյան պատերազմին, և ԵԱՀԿ-ը պետք է օգտվի այս պահից՝ տարածաշրջանում իր ջանքերը նորացնելու համար:
Ըստ Լինդեի, շատ կարևոր է մնացած խնդիրներին երկարաժամկետ լուծում գտնելը:
Ընդգծելով Վրաստանի, Հայաստանի և Ադրբեջանի միջև համագործակցության կարևորությունը՝ Լինդեն ասել է, որ համագործակցության ոլորտները կարող են ներառել ենթակառուցվածքը, կապերը և շրջակա միջավայրը:
«Իմ հատուկ ներկայացուցիչը փոխգործակցում է այս երեք երկրների հետ, և մենք գնահատում ենք բոլոր երեք կողմերի կառուցողական մոտեցումը», - ասել է նա: