ԲՈԲ ՄԵՆԵՆԴԵՍԻ ԿԻՆԸ ՄԵՂԱՎՈՐ Է ՃԱՆԱՉՎԵԼ ԿԱՇԱՌՔ ՎԵՐՑՆԵԼՈՒ ՄԵՋ
ԱՄՆ նախկին սենատոր Բոբ Մենենդեսի կինը, ազգությամբ հայ Նադին Մենենդեսը (Արսլանյան), մեղավոր է ճանաչվել Նյու Ջերսի նահանգի երեք տղամարդկանցից կանխիկի, ոսկու ձուլակտորների և շքեղ ավտոմեքենայի տեսքով կաշառք ստանալու մեջ՝ կապված իր բիզնես գործունեության կամ ամուսնուց իրավական օգնություն ստանալու նպատակով։Ինչպես հայտնում է Associated Press-ը, համապատասխան որոշումը կայացրել է դատարանը, որի լսումը տեղի է ունեցել նույն Մանհեթենի դաշնային դատարանում, որտեղ մեկ այլ երդվյալ ատենակալ ավելի վաղ նմանատիպ մեղադրանքներով մեղավոր էր ճանաչել Բոբ Մենենդեսին։ Նախկին սենատորը 11 տարվա ազատազրկման կսկսի կրել հունիսին։
Նադին Մենենդեսի դատավճիռը նշանակված է հունիսի 12-ին։
Հիշեցնենք, որ Բոբ Մենենդեսն ամուսնացել է Նադին Արսլանյանի հետ 2020 թվականին։ Պսակադրության արարողությունը տեղի է ունեցել Քուինս նահանգի Բայսայդ քաղաքի հայկական եկեղեցում։ Արսլանյանը լիբանանյան ծագումով հայ է։ Իր երկրորդ կնոջ ազդեցության տակ Մենենդեսը քարոզարշավ է իրականացրել Ադրբեջանի և Թուրքիայի դեմ։