ՀԱՅԱՄԵՏ ՍԵՆԱՏՈՐ ՌՈԲԵՐՏ ՄԵՆԵՆԴԵՍԸ ՄԵՂԱՎՈՐ Է ՃԱՆԱՉՎԵԼ ԴԱՇՆԱՅԻՆ ԿԱՇԱՌՔԻ ԳՈՐԾՈՎ
Ամերիկացի սենատոր Ռոբերտ Մենենդեսը մեղավոր է ճանաչվել դաշնային կաշառքի գործով, որում ներգրավված են գործարարներ և օտարերկրյա կառավարություններ:Դեմոկրատ օրենսդիրները կոչ են արել նրան հեռանալ Կոնգրեսից։
Նյու Ջերսիից դեմոկրատ, 70-ամյա Մենենդեսը, որ հայամետ քաղաքական գործչի համբավ ունի, սեպտեմբերին մեղադրվել է շահութաբեր քաղաքական արտոնությունների դիմաց կաշառք՝ ներառյալ կանխիկ գումար, ոսկու ձուլակտորներ և Mercedes մակնիշի շքեղ ավտոմեքենա ստանալու համար:
Մենենդեսին և նրա կնոջը՝ Նադին Մենենդես-Արսլանյանին, վերջերս ներկայացվել էր նոր մեղադրանք արդարադատությանը խոչընդոտելու համար։ 18 հոդվածից բաղկացած մեղադրական եզրակացությունն ավելացել էր կոռուպցիոն գործարքի մեղադրանքներին: