ՀԱՅԱՄԵՏ ՍԵՆԱՏՈՐ ԲՈԲ ՄԵՆԵՆԴԵՍԸ ՀՐԱԺԱՐԱԿԱՆ Է ՆԵՐԿԱՅԱՑՐԵԼ
Ամերիկացի սենատոր Բոբ Մենենդեսը երեքշաբթի օրը հրաժարական է ներկայացրել:«Ես կհրաժարվեմ Միացյալ Նահանգների սենատորի իմ պաշտոնից, որն ուժի մեջ կմտնի 2024 թվականի օգոստոսի 20-ին»,- նշել է Մենենդեսը նամակում:
Ամերիկացի հայամետ սենատոր համբավ ունեցող Բոբ Մենենդեսն ու նրա հայազգի կինը դատարանի կողմից մեղավոր են ճանաչվել կաշառակերության գործով հարուցված բազմահատոր քրեական գործով։
«Չնայած ես լիովին մտադիր եմ բողոքարկել երդվյալ ատենակալների դատավճիռը, մինչև վերջ, ներառյալ Գերագույն դատարանը, չեմ ցանկանում, որ Սենատը ներգրավվի երկարատև գործընթացում», - ասվում է Մենենդեսի նամակում: