ԻԼՀԱՄ ԱԼԻԵՎԸ ՇՆՈՐՀԱԿԱԼՈՒԹՅՈՒՆ Է ՀԱՅՏՆԵԼ ՄԵՎԼՈՒԹ ՉԱՎՈՒՇՕՂԼՈՒԻՆ՝ ԲԱՔՎՈՒՄ ԿԱՅԱՆԱԼԻՔ ԱՐԵՎՄՏՅԱՆ ԱԴՐԲԵՋԱՆԻ ՀԱՄԱՅՆՔԻ ՄԻՋԱԶԳԱՅԻՆ ՀԱՄԱԺՈՂՈՎԻՆ ՄԱՍՆԱԿՑԵԼՈՒ ՀԱՄԱՐ
Դեկտեմբերի 4-ին Ադրբեջանի նախագահ Իլհամ Ալիևն ընդունել է՝ Թուրքիայի նախկին արտգործնախարար, Ազգային մեծ ժողովի պատգամավոր և ՆԱՏՕ-ի Խորհրդարանական վեհաժողովում թուրքական պատվիրակության ղեկավար Մևլութ Չավուշօղլուին։Իլհամ Ալիևը շնորհակալություն է հայտնել Մևլութ Չավուշօղլուին՝ Բաքվում կայանալիք Արևմտյան Ադրբեջանի համայնքի միջազգային համաժողովին մասնակցելու համար և ընդգծել այս միջոցառման կարևորությունը։
Մևլութ Չավուշօղլուն շնորհակալություն է հայտնել համաժողովի հրավերի համար և նշել դրա կարևորությունը։ Մևլութ Չավուշօղլուն COP29-ը որակել է, որպես պատմական գագաթնաժողով՝ ընդգծելով այստեղ ընդունված որոշումների մեծ նշանակությունը։
Իլհամ Ալիևն ասել է, որ COP29-ին մասնակցել են մեծ թվով հյուրեր, պետությունների և կառավարությունների ղեկավարներ, նշել է, որ համաժողովը շատ հաջող է անցել և ընդգծել, որ COP29-ը ևս մեկ անգամ ամբողջ աշխարհին ցուցադրել է Ադրբեջանի ներուժն ու առաջնորդության որակները։ Նախագահը հավելել է, որ սա ողջ թուրքական աշխարհի հերթական հաջողությունն է:
Հանդիպմանը նշվել է, որ Ադրբեջանի և Թուրքիայի միջև բարեկամական, եղբայրական և դաշնակցային հարաբերությունները հաջողությամբ զարգանում են բոլոր ոլորտներում, այդ թվում՝ միջխորհրդարանական, կապերի հետագա ամրապնդման վստահություն է հայտնվել։