ՀԱՋԻԵՎԸ ՊԱՏԱՍԽԱՆԵԼ Է COP29-Ի ԱՆՑԿԱՑՄԱՆ ՀԱՄԱՐ ԱԴՐԲԵՋԱՆԻՆ ՔՆՆԱԴԱՏՈՂՆԵՐԻՆ
Ադրբեջանի Հանրապետության նախագահի օգնական Հիքմեթ Հաջիևը պատասխանել է քննադատություններին այն մասին, որ Ադրբեջանը՝ որպես նավթային երկիր, անցկացնում է COP29-ը։Հիքմեթ Հաջիևը լրագրողներին հայտնել է, որ այս պահին անցկացվում է COP-ի թվով 29-րդ համաժողովը։
«Գրեթե բոլոր պետությունները, բացի Շվեյցարիայից, այս կամ այն ձևով հանածո վառելիք արտադրող երկրներ էին: Ընդհանրապես հանածո վառելիքի համար, եթե առաջարկ լինի, կլինի նաև պահանջարկ։ Կոնվենցիայի գրեթե բոլոր անդամ կողմերը հանածո վառելիքի սպառողներ են: Այստեղ կրկին տեսնում ենք էժանագին, որոշ չափով պոպուլիստական տարրեր։ Հանածո վառելիքը նույնպես գոյություն ունեցող աշխարհի անբաժանելի մասն է, կան դրանց իրական կարիքները: Իհարկե, դա բացասաբար է անդրադառնում կլիմայի փոփոխության վրա։ Սրանից խուսափելու համար հարկավոր է միասին աշխատել և չներքաշվել ոչ էական քննարկումների մեջ։ Մեզնից առաջ այս համաժողովն անցկացրել են եվրոպական երկրները։ Վերցնենք, օրինակ, Լեհաստանը։ Լեհաստանն այսօր աշխարհում ամենաշատ ածուխ արտադրող երկրներից է»,- նշել է նա։