ՀԱՊԿ-Ի ՄԱՍԻՆ ՓԱՇԻՆՅԱՆԻ ՀԱՅՏԱՐԱՐՈՒԹՅՈՒՆՆԵՐԸ ՀԱԿԱՍՈՒՄ ԵՆ ՈՂՋԱԽՈՀՈՒԹՅԱՆԸ․ ԶԱԽԱՐՈՎԱ
ՀԱՊԿ-ի մասին Հայաստանի վարչապետ Նիկոլ Փաշինյանի վերջին հայտարարությունները հակասում են ողջախոհությանը, ասել է Ռուսաստանի արտգործնախարարության պաշտոնական ներկայացուցիչ Մարիա Զախարովան։«Ինձ թվում է՝ դրանք (հայտարարությունները) հակասում են ողջախոհությանը և դուրս են իրականությունից», - Եվրասիական կանանց ֆորումի ժամանակ հայտարարել է դիվանագետը՝ նկատելով՝ Հայաստանը խոսում է ազգային անվտանգությանը ՀԱՊԿ-ի սպառնալիքից, սակայն դեռ մնում է ՀԱՊԿ-ում․ - «Եթե մնում են, նշանակում է սրա մեջ ինչ-որ նպատակահարմարություն են տեսնում։ Միաժամանակ ասում էին, որ ՀԱՊԿ-ը «դուրս եկավ Հայաստանից»։ Այս ամենը հակասում է ողջամտությանը և տրամաբանությանը»:
Զախարովայի խոսքով՝ ՀԱՊԿ-ը միշտ եղել է «չափազանց պատասխանատու և արժանապատիվ անդամ երկրների նկատմամբ»։