ԷԼՉԻՆ ԱՄԻՐԲԵԿՈՎԸ ԱՄՆ-ՈՒՄ ՔՆՆԱՐԿԵԼ Է ԱԴՐԲԵՋԱՆԻ ԵՎ ՀԱՅԱՍՏԱՆԻ ՄԻՋԵՎ ԽԱՂԱՂ ԳՈՐԾԸՆԹԱՑԸ
Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը՝ ԱՄՆ կատարած այցի շրջանակներում հանդիպումներ է ունեցել մի շարք ամերիկացի պաշտոնատար անձանց հետ, որոնց ընթացքում մտքեր են փոխանակվել՝ Ադրբեջանի և Հայաստանի միջև խաղաղ գործընթացի, ինչպես նաև Բաքու-Վաշինգտոն հարաբերությունների վերաբերյալ։Այս մասին ասվում է՝ ԱՄՆ-ում Ադրբեջանի դեսպանատան և ՄԱԿ-ում Ադրբեջանի մշտական ներկայացուցչության X սոցիալական ցանցում հաղորդագրություններում։
«Անցկացվել են կառուցողական և օգտակար քննարկումներ՝ ընդգրկելով ադրբեջանա-ամերիկյան համագործակցության երկկողմ օրակարգը, Ադրբեջանի և Հայաստանի միջև խաղաղ գործընթացի ներկա վիճակը, ինչպես նաև տարածաշրջանում վերջին զարգացումները», - նշել են դիվանագիտական առաքելության մամուլի ծառայությունում։