ՎՐԱՍՏԱՆԻ ԽԱՂԱՂ ՆԱԽԱՁԵՌՆՈՒԹՅՈՒՆԸ ԿՈՆԿՐԵՏ ԱՐԴՅՈՒՆՔՆԵՐ Է ՏՎԵԼ. ԻՐԱԿԼԻ ՂԱՐԻԲԱՇՎԻԼԻ
Վրաստանի խաղաղ նախաձեռնությունը Ադրբեջանի և Հայաստանի միջև տվել է կոնկրետ արդյունքներ։Այս մասին ասել է Վրաստանի վարչապետ Իրակլի Ղարիբաշվիլին՝ ներկայացնելով 2023 թվականի արդյունքների մասին զեկույցը։
Նա նշել է, որ Վրաստանի կառավարությունը սերտ բարեկամական հարաբերություններ է պահպանում տարածաշրջանի գործընկերների՝ Ադրբեջանի, Հայաստանի և Թուրքիայի հետ։
«Մենք, անշուշտ, շահագրգռված ենք տարածաշրջանում երկարաժամկետ խաղաղության և կայունության հաստատմամբ։ Որոշ ժամանակ առաջ Վրաստանում էին Ադրբեջանի վարչապետն ու Հայաստանի վարչապետը, և մենք բացառիկ հնարավորություն ունեցանք եռակողմ հանդիպում անցկացնելու։
Կարծում եմ՝ սա հետաքրքիր նախադեպ էր, որին մենք հասել ենք»,- ասաց վարչապետը։