ԱՅԽԱՆ ՀԱՋԻԶԱԴԵՆ ՋՈԶԵՊ ԲՈՐԵԼԻՆ ՄԵՂԱԴՐԵԼ Է ԱԴՐԲԵՋԱՆԻ ՆԿԱՏՄԱՄԲ «ԲԱՑԱՀԱՅՏ ԿՈՂՄՆԱԿԱԼ» ԼԻՆԵԼՈՒ ՄԵՋ ԵՎ ՊՆԴԵԼ, ՈՐ ԲՈՐԵԼԻ «ԿԵՂԾ ՀԱՅՏԱՐԱՐՈՒԹՅՈՒՆՆԵՐԸ ԽԱԹԱՐՈՒՄ ԵՆ ԵՄ ՄԻՋՆՈՐԴԱԿԱՆ ՋԱՆՔԵՐԸ»
Ադրբեջանի արտգործնախարարության խոսնակ Այխան Հաջիզադեն Եվրամիության դիվանագիտության ղեկավար Ջոզեպ Բորելին մեղադրել է Ադրբեջանի նկատմամբ «բացահայտ կողմնակալ» լինելու մեջ և պնդել, որ Բորելի «կեղծ հայտարարությունները խաթարում են ԵՄ միջնորդական ջանքերը»:Բորելը վերջին երկու օրվա ընթացքում իր ելույթներում Ադրբեջանին կոչ է արել պահպանել և երաշխավորել Ղարաբաղի հայերի իրավունքները, շեշտել, որ Բաքուն ղարաբաղյան հակամարտության ելքը վճռել է ռազմական ուժի կիրառմամբ, ինչի հետևանքով իբր «մեկ շաբաթում 150 հազար մարդ ստիպված է եղել լքել իր տունը և փախչել»։
Ի պատասխան՝ Ադրբեջանի ԱԳՆ խոսնակը հերքել է Եվրամիության պաշտոնյայի պնդումները, դրանք որակելով «սխալ և իրականությունից լրջորեն կտրված»։
«Միևնույն ժամանակ, Բորելի նման կեղծ հայտարարությունները խաթարում են Եվրամիության միջնորդական ջանքերը և այդ ուղղությամբ ԵՄ-ի խորհրդի նախագահ Շառլ Միշելի առաքելությունը», - հայտարարել է Հաջիզադեն և կոչ արել ԵՄ դիվանագիտուըթյան ղեկավարին վերջ տալ նման հրահրող և սադրիչ հայտարարություններին»։