ՂԱՐԱԲԱՂՈՒՄ ՀԱՅԿԱԿԱՆ ՍՏՈՐԱԲԱԺԱՆՈՒՄՆԵՐԸ ՀԱՆՁՆՈՒՄ ԵՆ ԶԵՆՔԸ
Ղարաբաղում տեղակայված ռուսական խաղաղապահ զորախումբը Տելեգրամ ալիքում գրել է, որ ի կատարումն ռուսական խաղաղապահ զորախմբի հրամանատարության միջնորդությամբ ձեռք բերված ռազմական գործողությունների դադարեցման պայմանավորվածությունների՝ Ղարաբաղի անօրինական ստորաբաժանումները սկսել են հանձնել զենքը և զինամթերքը:Գործընթացը տեղի է ունենում ռուս զինծառայողների հսկողության ներքո։ Բացի այդ, Ղարաբաղի անօրինական ստորաբաժանումները լքում են իրենց դիրքերը: Դա համաձայնեցվել է Եվլախում կայացած հայ-ադրբեջանական հանդիպման ընթացքում:
Ռուս խաղաղապահները հայտնում են, որ առ այս պահը Ղարաբաղի հայերը հանձնել են ավելի քան 800 միավոր հրազեն, նռնակներ, ականանետներ, հակատանկային կառավարվող հրթիռներ և հակատանկային հրթիռային համակարգեր: