ԱԴՐԲԵՋԱՆԻ ՆԱԽԱԳԱՀ ԻԼՀԱՄ ԱԼԻԵՎ. ԻՆՉՊԵՍ ՄԻՇՏ, ԵՂԲԱՅՐԱԿԱՆ ԹՈՒՐՔԻԱՆ ԱՅՍՕՐ ԷԼ ՄՆՈՒՄ Է ԱԴՐԲԵՋԱՆԻ ԿՈԽՔԻՆ ԵՎ ԱՋԱԿՑՈՒՄ Է ՄԵԶ ՄԵՐ ԱՐԴԱՐ ԳՈՐԾՈՒՄ
Ադրբեջանի նախագահ Իլհամ Ալիևը շնորհակալություն է հայտնել Թուրքիայի ղեկավար Ռեջեփ Թայիփ Էրդողանին ՄԱԿ-ի Գլխավոր ասամբլեայում ելույթի ժամանակ Ադրբեջանին աջակցելու համար։ Այս մասին պետության ղեկավարը գրել է X սոցիալական ցանցում:Հրապարակման մեջ ասվում է. «Ինչպես միշտ, եղբայրական Թուրքիան այսօր էլ մնում է Ադրբեջանի կոխքին և աջակցում է մեզ մեր արդար գործում։ Ադրբեջանն ու Թուրքիան միշտ միասին են թե՛ լավ օրերին, թե՛ տխուր պահերին։ Մենք միշտ պաշտպանում ենք միմյանց արդար դիրքորոշումը միջազգային կազմակերպություններում։ Շուշայի հռչակագրով մեր հարաբերությունները բարձրացել են ռազմավարական դաշինքի մակարդակի։ «Ե՛վ դուք, և՛ ես, անընդհատ հիշելով ադրբեջանական ժողովրդի համազգային առաջնորդ Հեյդար Ալիևի «Մեկ ազգ, երկու պետություն» արտահայտությունը, որը մեր եղբայրության խորհրդանիշն է, նոր բարձունքների ենք տանում Ադրբեջանի և Թուրքիայի միջև անկոտրում միասնությունը»: