ԱՌԱՅԺՄ ՉԿԱՆ ԱՅԼ ԻՐԱՎԱԿԱՆ ՀԻՄՔԵՐ, ՈՐՈՆՔ ԿՆՊԱՍՏԵՆ ԿԱՐԳԱՎՈՐՄԱՆԸ. ՊԵՍԿՈՎ
Ղարաբաղի վերաբերյալ իրավիճակի կարգավորման համար այլ իրավական հիմքեր չկան, բացառությամբ Ռուսաստանի, Ադրբեջանի և Հայաստանի միջև եռակողմ պայմանավորվածությունների, հայտարարել է ՌԴ նախագահի մամուլի քարտուղար Դմիտրի Պեսկովը։«Երկու երկրների միջև առկա խնդիրների լուծումը և տարածաշրջանում լարվածության թուլացմանն ուղղված որոշ համատեղ գործողությունների ու քայլերի հնարավոր զարգացումը, իհարկե, հնարավոր է առաջին հերթին այն եռակողմ փաստաթղթերի հիման վրա, որոնք ստորագրվել են Ռուսաստանի հետ միասին։ Առայժմ չկան այլ իրավական հիմքեր, որոնք կնպաստեն կարգավորմանը»,- ասել է Պեսկովը։ Նա նշել է, որ առայժմ այս եռակողմ փաստաթղթերը բացարձակապես այլընտրանք չունեն։