ԱԴՐԲԵՋԱՆՑԻ ԲԺԻՇԿՆԵՐՆ ԱՌԱՋԻՆ ԲՈՒԺՕԳՆՈՒԹՅՈՒՆ ԵՆ ՑՈՒՑԱԲԵՐԵԼ ՂԱՐԱԲԱՂՑԻ ՀԱՅԵՐԻՆ
Ադրբեջանցի բժիշկներն առաջին բուժօգնություն են ցուցաբերել ղարաբաղցի հայերին, որոնց առողջական վիճակը վատացել է Խանքենդի-Լաչին ճանապարհին։Այս մասին Report-ին ասել է Շուշայի մոդուլային հիվանդանոցի բժիշկ Վիլադ Ալիևը։
«Մենք տեղեկացանք ռուս խաղաղապահների ժամանակավոր վերահսկողության տակ գտնվող տարածքով անցնող քաղաքացիների ինքնազգացողության վատթարացման մասին։ Անմիջապես դեպքի վայր հասանք երկու շտապօգնության մեքենայով։ Չորսից երեքի վիճակը համեմատաբար ծանր էր»,- ասել է բժիշկը։
Նրա խոսքով, ադրբեջանցի բժիշկների հսկողության ներքո ղարաբաղցի հայերը բարեհաջող հասցվել են Խանքենդիի հիվանդանոց:
«Խանքենդիում գտնվելուց արտասովոր զգացումներ ապրեցի։ Պոստում հայերի հետ խոսեցինք ադրբեջաներեն։ Մենք փրկեցինք հայ պացիենտների կյանքը: Նրանց տեղափոխելով հիվանդանոց՝ վերադարձանք Շուշա», - ասել է Վիլադ Ալիևը։