ՍԱԲԻՆԱ ԱԼԻԱ. ՄԻՋԱԶԳԱՅԻՆ ԿԱՌՈՒՅՑՆԵՐԸ ՊԵՏՔ Է ԿՈՇՏ ԱՐՁԱԳԱՆՔԵՆ ՀԱՅԱՍՏԱՆԻ ԱՅՍ ՍԱԴՐԱՆՔԻՆ
Ադրբեջանի նկատմամբ Հայաստանի օկուպացիոն քաղաքականությունն այսօր էլ շարունակվում է:Այս մասին լրագրողներին ասել է՝ Ադրբեջանի մարդու իրավունքների հանձնակատար Սաբինա Ալիևան։
Նա նշել է, որ օմբուդսմենի գրասենյակն այս հարցով դիմել է բոլոր միջազգային կազմակերպություններին. «Միջազգային կառույցներից պահանջում եմ անհապաղ և կոշտ արձագանքել Հայաստանի այս սադրանքին։ Նրանց օկուպացիոն քաղաքականությունը, որը շարունակվում է նաև այսօր, պետք է դադարեցվի։ Հայաստանի սադրանքի արդյունքում մեր երեխաներից 50-ը դարձան նահատակներ»։
Ալիևան ընդգծել է, որ 2020 թվականի նոյեմբերից մինչ օրս ականների զոհ է դարձել 242 մարդ. «Այսօր Հայաստանը դիվերսիոն խմբեր է ուղարկում օկուպացիայից ազատագրված մեր հողեր՝ դրանք ականապատելու համար։ Հայաստանը, որը վտանգ է ներկայացնում տարածաշրջանում խաղաղության և անվտանգության համար, պետք է ստանձնի պարտավորություններ»։