«ՍՈՒՐՄԱԼՈՒ»ԱՌԵՎՏՐԻԿԵՆՏՐՈՆՈՒՄ ՊԱՅԹՅՈՒՆԻՑ ՏՈՒԺԱԾ 61 ՔԱՂԱՔԱՑԻՆԵՐԻՑ 24-Ը ԴԵՌ ՇԱՐՈՒՆԱԿՈՒՄ ԵՆ ՍՏԱՑԻՈՆԱՐ ԲՈՒԺՈՒՄԸ
«Սուրմալու» առևտրի կենտրոնում պայթյունից տուժած 61 քաղաքացիներից 24-ը դեռ շարունակում են ստացիոնար բուժումը, «Ազատությանը» փոխանցեց առողջապահության նախարարության խոսնակ Հռիփսիմե Խաչատրյանը։«Քաղաքացիները հիմնականում ծխահարված են եղել, հրմշտոցի արդյունքում թեթև վնասվածքներ են ստացել։ Հիմա բժիշկները 24-ի առողջական վիճակը միջին ծանրության են գնահատում», - ասաց Խաչատրյանը։
Նրա փոխանցմամբ, այս պահի դրությամբ մեկ անչափահաս կա ստացիոնարում, մեկ հղի, նրանց կյանքին վտանգ չի սպառնում։
«Սուրմալու» առտրի կենտրոնում պայթյունը տեղի է ունեցել երեկ կեսօրից հետո։ Դեպքի առթիվ նախաձեռնվել է քրեական վարույթ: Վերջին տվյալներով՝ պայթյունի զոհերի թիվը հասել է 6-ի, անհետ կորածների թիվը 16-ն է։ Փրկարարները փլատակների տակից դուրս են բերել 21 տրանսպորտային միջոց։ Որոնողական աշխատանքները շարունակվում են։