ՌԵՋԵՓ ԹԱՅԻՓ ԷՐԴՈՂԱՆ. ՂԱՐԱԲԱՂԸ ՏԱՐԱԾՔ Է, ՈՐԸ ԳՏՆՎՈՒՄ Է ԱԴՐԲԵՋԱՆԻ ՄԻՋԱԶԳԱՅՆՈՐԵՆ ՃԱՆԱՉՎԱԾ ՍԱՀՄԱՆՆԵՐԻ ՇՐՋԱՆԱԿՆԵՐՈՒՄ ԵՎ ՉԱՓԱԶԱՆՑ ԿԱՐԵՎՈՐ Է, ՈՐ ՀԱՅԱՍՏԱՆԸ ՀՆԱՐԱՎՈՐԻՆՍ ԱՐԱԳ ԿԱՏԱՐԻ ԻՐ ՊԱՐՏԱՎՈՐՈՒԹՅՈՒՆՆԵՐԸ
«Երկու օր առաջ եղբորս՝ Իլհամ Ալիևի հետ մանրամասն խոսել ենք Ղարաբաղում տիրող իրավիճակի մասին»։Այս մասին լրագրողներին ասել է Թուրքիայի նախագահ Ռեջեփ Թայիփ Էրդողանը՝ Սոչիից վերադառնալուց հետո:
«Առաջին հերթին մենք դատապարտում ենք հարձակումը, որի արդյունքում նահատակվեց մեր ադրբեջանցի եղբայրներից մեկը։ Ղարաբաղը տարածք է, որը գտնվում է Ադրբեջանի միջազգայնորեն ճանաչված սահմանների շրջանակներում։ Ադրբեջանը, բնականաբար, չի ցանկանում, որ իր տարածքում ապօրինի զինված կազմավորումներ լինեն։ Եռակողմ հայտարարության ստորագրումից անցել է գրեթե երկու տարի։ Չափազանց կարևոր է, որ Հայաստանը հնարավորինս արագ կատարի իր պարտավորությունները»,- հավելել է Թուրքիայի առաջնորդը։
Թուրքիայի ղեկավարը նաև դատապարտել է Մեծ Բրիտանիայում Ադրբեջանի դեսպանատան վրա հարձակումը։