ԻՐԱԿԼԻ ԳԱՐԻԲԱՇՎԻԼԻ. ՄԵՆՔ ՀԻԱՆԱԼԻ ՀԱՐԱԲԵՐՈՒԹՅՈՒՆՆԵՐ ՈՒՆԵՆՔ ԱԴՐԲԵՋԱՆԻ ՀԵՏ
«Մեր արտաքին քաղաքականության հիմնական ուղղությունը պետք է լինի հարևանության քաղաքականությունը»:Այս մասին հայտարարել է Վրաստանի վարչապետ Իրակլի Գարիբաշվիլին՝ արտաքին գործերի նախարարության 10-ամյա գործողությունների ծրագրի շնորհանդեսին:
Նա անդրադարձել է երեք հարևան երկրների հետ բարիդրացիական հարաբերություններին. «Մենք գերազանց հարաբերություններ ունենք Ադրբեջանի, Հայաստանի և Թուրքիայի հետ»:
Կառավարության ղեկավարն անդրադարձել է նաև Վրաստանի հաջող միջնորդության շնորհիվ Ադրբեջանի և Հայաստանի միջև ձեռք բերված հումանիտար համաձայնությանը. «Մեր հաջող քաղաքականության արդյունքում համաձայնություն ձեռք բերվեց մեր ադրբեջանցի և հայ եղբայրների միջև: Այս հաջող նախադեպը ստեղծեցին երեք հարևան երկրները»: