ԿՀՎ-Ի ՆԱԽԿԻՆ ՏՆՕՐԵՆԸ ԳՆԱՀԱՏԵԼ Է ԱԴՐԲԵՋԱՆԻ ՀԱՂԹԱՆԱԿԻ ՄԱՍԻՆ ԳԻՐՔԸ
ԿՀՎ նախկին տնօրեն՝ Իրաքում և Աֆղանստանում ԱՄՆ զորքերի նախկին հրամանատար, գեներալ Դեյվիդ Պետրաուսը գովաբանել է «Պատերազմը Ղարաբաղի համար. ռազմավարություն, տեխնոլոգիա և հաղթանակ» (The War for Karabakh: Strategy, Technology, and Victory) գիրքը, որը նվիրված է Ադրբեջանի հաղթանակին 2020 թվականի 44-օրյա պատերազմում«21-րդ դարի որոշիչ, բայց հաճախ թերագնահատված ռազմական արշավներից մեկի վարպետական վերլուծություն», - ասել է Պետրաուսը։
Հեղինակներ Լիամ Քոլինզը և Ջոն Սփենսերը վերլուծում են Ադրբեջանի ռազմավարությունը, բանակի արդիականացումը, ռազմական ղեկավարությունը, ժամանակակից տեխնոլոգիաների օգտագործումը և համակցված զենքի մարտավարությունը։ Ուսումնասիրությունը հիմնված է մարտադաշտի նյութերի, պաշտոնական ռազմական փաստաթղթերի, քարտեզների, բաց տվյալների և Ադրբեջանից և Հայաստանից ավելի քան 100 զինծառայողների, պաշտոնյաների և վետերանների հետ հարցազրույցների վրա։
Գիրքը պատրաստվում է հրատարակության Cambria Press հրատարակչության կողմից։