ԱԴՐԲԵՋԱՆԻ ՈԿԿ-ՆԵՐԸ ՊԱՀԱՆՋՈՒՄ ԵՆ՝ ՓԱԼՈՆԸ ՊԵՏՔ Է ՆԵՐՈՂՈՒԹՅՈՒՆ ԽՆԴՐԻ ԱԴՐԲԵՋԱՆԱԿԱՆ ԺՈՂՈՎՐԴԻՑ
Ադրբեջանական հասարակական կազմակերպությունների մի խումբ ղեկավարներ և հասարակական ակտիվիստներ հերթական բողոքի ակցիան են անցկացրել այն հյուրանոցի դիմաց, որտեղ հանգրվանել է ԱՄՆ հայամետ կոնգրեսական Ֆրենկ Փալոնը։ՀԿ-ի հիմնական պահանջներն էին՝ Փալոնը ներողություն խնդրի ադրբեջանական ժողովրդից, քրեական գործ հարուցվի իր անվտանգության աշխատակիցների դեմ, ովքեր բռնություն են գործադրել սոցիալական ակտիվիստների նկատմամբ խաղաղ հանրահավաքի ժամանակ, և որ կոնգրեսականն ինքը պատասխանատվության ենթարկվի Ադրբեջանի դեմ զրպարտչական արշավի համար։