ԱԳՆ-Ն ԴԱՏԱՊԱՐՏԵԼ Է ՕՏՏԱՎԱՅԻ ՀԱԿԱԱԴՐԲԵՋԱՆԱԿԱՆ ՀԱՅՏԱՐԱՐՈՒԹՅՈՒՆԸ
Ադրբեջանի արտաքին գործերի նախարարությունը դատապարտել է Կանադայի արտաքին գործերի նախարար Մելանի Ժոլիի հայտարարությունը, որն ուղղված է «Ադրբեջանի ինքնիշխանության և տարածքային ամբողջականության դեմ»։Այս մասին հայտարարել է ԱԳՆ մամուլի ծառայության ղեկավար Այխան Հաջիզադեն՝ մեկնաբանելով Կանադայի արտաքին գործերի նախարարի հայտարարությունը:
«Մենք խստորեն դատապարտում և ամբողջությամբ մերժում ենք Կանադայի արտգործնախարար Մելանի Ջոլիի սեպտեմբերի 22-ին արված հայտարարությունը։
Մեր տարածաշրջանի իրողություններին ծանոթանալու փոխարեն, որտեղ չորս տարի առաջ ավարտվեց Հայաստանի և Ադրբեջանի միջև հակամարտությունը միջազգային իրավունքի նորմերի և սկզբունքների հիման վրա, Կանադայի արտաքին գործերի նախարարը կրկին զբաղվում է մանիպուլյացիայով և փաստեր խեղաթյուրմամբ: Նա տեղյակ չէ Ղարաբաղի շրջանի նկատմամբ Ադրբեջանի ինքնիշխանության ամբողջական վերականգնման փաստին, որտեղ 2023 թվականին վերջ դրվեց Ադրբեջանի տարածքում Հայաստանի զինված ուժերի և նրա կողմից աջակցվող անջատողական ռեժիմի անօրինական ներկայությանը։
Կանադայի արտգործնախարարի հայտարարությունները ղարաբաղյան շրջանի մասին, որոնք ուղղված են Ադրբեջանի ինքնիշխանության և տարածքային ամբողջականության դեմ և խրախուսում են անջատողականությունը, ցույց են տալիս, թե որքան անհեռատես է Կանադայի արտաքին քաղաքականությունը», - նշվում է հայտարարության մեջ։