ՀՌՈՄԻ ՊԱՊԸ ԵՐԿԽՈՍՈՒԹՅՈՒՆԸ ՇԱՐՈՒՆԱԿԵԼՈՒ ԿՈՉ Է ԱՆՈՒՄ ՀԱՅԱՍՏԱՆԻՆ ԵՎ ԱԴՐԲԵՋԱՆԻՆ
Հռոմի Ֆրանցիսկոս պապը քաջալերում է Հայաստանի և Ադրբեջանի միջև բանակցությունները։«Որպեսզի միջազգային հանրության աջակցությամբ նրանք կարողանան շարունակել երկխոսությունը, օգնել տեղահանվածներին, հարգել ու պահպանել տարբեր կրոնական դավանանքների պաշտամունքի վայրերը և հասնել խաղաղության համաձայնագրի»,- ասել է նա Սուրբ Հարության տոնին նվիրված իր ավանդական ուղերձում։
Հռոմի պապը նաև Ռուսաստանին ու Ուկրաինային է դիմել՝ կոչ անելով գերիներ փոխանակել «բոլորը բոլորի դիմաց» սկզբունքով, իսրայելցիներին ու պաղեստինցիներին էլ հորդորել է հրադադար հաստատել: