ԻԼՀԱՄ ԱԼԻԵՎ. ՂԱՐԱԲԱՂԻ ՇՐՋԱՆՈՒՄ ԱՊՐՈՂ ՄԱՐԴԻԿ ԱԴՐԲԵՋԱՆԻ ՔԱՂԱՔԱՑԻՆԵՐ ԵՆ՝ ԱՆԿԱԽ ԱԶԳԱՅԻՆ ՊԱՏԿԱՆԵԼԻՈՒԹՅՈՒՆԻՑ: ՆՐԱՆԶ ԱՆՎՏԱՆԳՈՒԹՅՈՒՆԸ ԵՎ ԻՐԱՎՈՒՆՔՆԵՐԸ ԿԱՊԱՀՈՎՎԵՆ ԱԴՐԲԵՋԱՆԱԿԱՆ ՊԵՏՈՒԹՅԱՆ ԿՈՂՄԻՑ
Հինգ օր առաջ Ադրբեջանը լիովին ապահովեց իր ինքնիշխանությունը։ Եթե երեք տարի առաջ մենք վերջ դրեցինք ղարաբաղյան Երկրորդ պատերազմի արդյունքում օկուպացիային, իսկ այս տարվա ապրիլի 23-ին ամբողջությամբ վերականգնեցինք մեր տարածքային ամբողջականությունը՝ ադրբեջանա-հայկական սահմանի Լաչինի ուղղությամբ անցակետ ստեղծելով, ապա հինգ օր առաջ մենք լիովին ապահովեցինք և վերականգնեցինք մեր ինքնիշխանությունը։Այս մասին սեպտեմբերի 25-ին Թուրքիայի նախագահ Ռեջեփ Թայիբ Էրդողանի հետ համատեղ մամուլի ասուլիսում ասել է Ադրբեջանի նախագահ Իլհամ Ալիևը։
«24 ժամից պակաս ժամանակում իրականացված հակաահաբեկչական միջոցառումների արդյունքում Ադրբեջանի տարածքում ապօրինաբար հաստատված Հայաստանի բանակը հանձնվեց, ընդունեց մեր պայմանները և այդպիսով Ադրբեջանը լիովին ապահովեց իր ինքնիշխանությունը»,- ընդգծել է պետության ղեկավարը։
Երկրի ղեկավարի խոսքով՝ Ղարաբաղի շրջանում ապրող մարդիկ Ադրբեջանի քաղաքացիներ են՝ անկախ ազգային պատկանելիությունից:
Այդ մարդկանց անվտանգությունը և իրավունքները կապահովվեն ադրբեջանական պետության կողմից։