ՌԵՋԵՓ ԷՐԴՈՂԱՆ. ՊԱՐՈՆ ՓԱՇԻՆՅԱՆԻՆ ԿԱՍԵՆՔ, ՈՐ ՆՄԱՆ ԸՆՏՐՈՒԹՅՈՒՆՆԵՐ ԸՆԴՈՒՆԵԼԸ ԲԱՑԱՐՁԱԿԱՊԵՍ ԱՆՀՆԱՐ Է
Թուրքիայի նախագահ Ռեջեփ Թայիփ Էրդողանը, անդրադառնալով հայ-ադրբեջանական սահմանային լարված իրավիճակին, հայտնել է, որ պատրաստվում է բանակցություններ վարել ՀՀ վարչապետ Նիկոլ Փաշինյանի հետ:Նախօրեին Էրդողանը հայտարարեց.
«Վաղը, հավանաբար, կբանակցեմ պարոն Փաշինյանի հետ: Մենք այլ ելք չունենք, քան տարածաշրջանում խաղաղության հաստատումը: Քայլերը, որ արվում են այնտեղ, հատկապես Ղարաբաղում, սխալ են, սա չի կարելի հանդուրժել, և դա չեն հանդուրժում նաև ԵՄ անդամ երկրները։ Վաղը կայանալիք բանակցություններին մենք պարոն Փաշինյանին կասենք, որ նման ընտրություններ ընդունելը բացարձակապես անհնար է։ Ընկերները, արևմտյան երկրները և մյուսները, որոնց մենք մինչ այժմ հանդիպել ենք, չեն ընդունում այս ընտրությունները։ Սա ընտրություն չէ, որը կարելի է ընդունել»։