ՏԱՐԱԾԱՇՐՋԱՆՈՒՄ ԽԱՂԱՂՈՒԹՅՈՒՆ ՀԱՍՏԱՏԵԼՈՒ ՀԱՄԱՐ ՀԱՅԿԱԿԱՆ ԿՈՂՄԸ ՊԵՏՔ Է ՀՐԱԺԱՐՎԻ ԱԴՐԲԵՋԱՆՑԻՆԵՐԻ ՆԿԱՏՄԱՄԲ ԱՏԵԼՈՒԹՅՈՒՆ ՍԵՐՄԱՆԵԼՈՒ ՔԱՂԱՔԱԿԱՆՈՒԹՅՈՒՆԻՑ
Սոցցանցերում և տարբեր խողովակներով հայերի կողմից շարունակաբար տարածվում են գաղափարներ, որոնք հանդիսանում են ադրբեջանաֆոբիայի քաղաքականության դրսևորումներ։Այս մասին հայտնել են Ադրբեջանի Հանրապետության Մարդու իրավունքների պաշտպանի գրասենյակից։
«Հրապարակված մեկնաբանությունների թվում կան «Ադրբեջանը երկրի երեսից ջնջելու» կոչեր, մեր երկրի դեմ տարաբնույթ նողկալի սադրանքներ, որոնք կապված են ազգամիջյան ատելության կոչերի ֆոնին ադրբեջանցիների նկատմամբ անհանդուրժողականության մթնոլորտի ձևավորման հետ, ինչը դարձել է Հայաստանի պետական քաղաքականության մաս:
Տարածաշրջանում խաղաղություն հաստատելու համար հայկական կողմը պետք է հրաժարվի ադրբեջանցիների նկատմամբ ատելություն սերմանելու քաղաքականությունից, իսկ համապատասխան միջազգային կազմակերպությունները պետք է անհրաժեշտ միջոցներ ձեռնարկեն՝ կանխելու այդ քաղաքականությունը, որը հակասում է մարդու իրավունքների հիմնարար սկզբունքներին», - ընդգծվում է տեղեկատվության մեջ։