ԴԻՎԵՐՍԱՆՏ ՈՍԿԱՆՅԱՆԻՆ ՄԵՂԱԴՐԱՆՔ Է ԱՌԱՋԱԴՐՎԵԼ
Ինչպես արդեն տեղեկացրել էինք, օգոստոսի 16-ին, ժամը 11:15-ի սահմաններում, Հայաստանի զինված ուժերի հետախուզադիվերսիոն խումբը Քելբաջարի շրջանի Իստիսու բնակավայրի ուղղությամբ փորձել է ներթափանցել Ադրբեջանի տարածք՝ սադրիչ և ահաբեկչական գործողություններ իրականացնելու նպատակով։Այս մասին հայտնել են ԱՀ գլխավոր դատախազության մամուլի ծառայությունում, ադրբեջանական ստորաբաժանումների զգոնության արդյունքում հայ զինվորականների սադրանքը կանխվել է։ Ձերբակալվել է դիվերսիոն խմբի մեկ վիրավոր անդամ՝ Գագիկ Աշոտի Ոսկանյանը (ծնված 1983 թ.)։ Հետախուզադիվերսիոն խմբի մյուս անդամները ստիպված են եղել նահանջել։
Պարզվել է, որ հայ դիվերսանտները փորձել են խուճապ սերմանել, սպանություններ կազմակերպել, Իստիսուի թիվ N զորամասի զինծառայողների նկատմամբ հրազեն են կիրառել, ահաբեկչություններ են ծրագրել և այլն։
Փաստի առթիվ հարուցվել է քրեական գործ, կատարվում է հետաքննություն։
Ոսկանյանին մեղադրանք է առաջադրվել ԱՀ Քրեական օրենսգրքի հետևյալ հոդվածներով.
- 206.3.2 - Մաքսանենգություն, որը կատարվել է մի խումբ անձանց կողմից նախնական պայմանավորվածությամբ;
- 214.2.1 և 214.2.3 – Ահաբեկչություն, որը կատարվել է մի խումբ անձանց կողմից նախնական պայմանավորվածությամբ, կազմակերպված խմբի կամ հանցավոր միավորման միջոցով, հրազենի և որպես զենք օգտագործվող իրերի կիրառմամբ;
- 228.2.1 - Մի խումբ անձանց կողմից նախնական պայմանավորվածությամբ ապօրինի զենք, զինամթերք, պայթուցիկ նյութեր և պայթուցիկ սարքեր ձեռք բերելը, տեղափոխելը, իրացնելը, պահելը, փոխադրելը կամ կրելը;
- 283.2.1 Ազգային, ռասայական, սոցիալական կամ կրոնական ատելության և թշնամանքի հրահրում` բռնության կիրառմամբ կամ դրա կիրառման սպառնալիքով;
- 318.2 - Ադրբեջանի Հանրապետության պետական սահմանի ապօրինի հատում, որը կատարվել է մի խումբ անձանց կողմից նախնական պայմանավորվածությամբ կամ կազմակերպված խմբի կողմից, բռնություն գործադրելով կամ դրա կիրառման սպառնալիքով:
Ոսկանյանի նկատմամբ դատարանը խափանման միջոց է ընտրել կալանավորումը։