ՀԱՅԱՍՏԱՆԸ, ՂԱՐԱԲԱՂԻ ԱՆՋԱՏՈՂԱԿԱՆ ՎԱՐՉԱԿԱՐԳԻ ՆԵՐԿԱՅԱՑՈՒՑԻՉՆԵՐԻ ՀԵՏ ՄԻԱՍԻՆ, ՀԵՐԹԱԿԱՆ ՄԻՋԱԶԳԱՅԻՆ ԱՐՇԱՎՆ Է ՍԿՍԵԼ՝ ԽԱՂԱՂ ԲԱՆԱԿՑՈՒԹՅՈՒՆՆԵՐԸ ՁԱԽՈՂԵԼՈՒ ՀԱՄԱՐ - ՀԻՔՄԵԹ ՀԱՋԻԵՎ
Հայաստանը, Ղարաբաղի անջատողական վարչակարգի ներկայացուցիչների հետ միասին, հերթական միջազգային արշավն է սկսել՝ խաղաղ բանակցությունները ձախողելու համար:Այս մասին ասվում է Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի՝ «Արդյո՞ք Հայաստանը ցանկանում է խաթարել խաղաղությունը Հարավային Կովկասում» խորագրով հոդվածում, որը հրապարակվել է The National Interest պարբերականում։
Նախագահի օգնականն ընդգծել է, որ արշավ իրականացնելու և դիվանագիտական խաղերի մեջ մտնելու փոխարեն՝ Հայաստանը պետք է զբաղվի խաղաղ բանակցություններով և Ադրբեջանի հետ հարաբերությունների կարգավորմամբ:
«Ավելի քան երեսուն տարիների ընթացքում Հայաստանը օկուպացման տակ է պահել Ադրբեջանի միջազգայնորեն ճանաչված ինքնիշխան տարածքի մոտ 20%-ը։ Այնտեղ բնակվող մոտ մեկ միլիոն ադրբեջանցիներ ստիպված են եղել լքել իրենց տները՝ դառնալով ներքին տեղահանված սեփական երկրում։ 2020 թվականի 44-օրյա պատերազմի արդյունքում վերադարձված հողը ենթարկվել է Ադրբեջանի հասարակական և մասնավոր սեփականության, մշակութային և կրոնական ժառանգության աննախադեպ ոչնչացման։
Միայն Աղդամը, որը ժամանակին տարածաշրջանի ամենամեծ քաղաքներից մեկն էր, ավերվեց այն աստիճան, որ այժմ կոչվում է «Կովկասի Հիրոսիմա»: Տպավորություն է ստեղծվում, որ օկուպանտներն այստեղ ձգտել են ոչնչացնել Ադրբեջանի բոլոր հետքերը»,- գրել է Հիքմեթ Հաջիևը։