ԻՐԱՆԻ ԱԳ ՆԱԽԱՐԱՐԸ ԲԱՐՁՐ Է ԳՆԱՀԱՏԵԼ ՀԱՆԴԻՊՈՒՄՆ ԱԴՐԲԵՋԱՆԻ ՆԱԽԱԳԱՀԻ ՀԵՏ
Իրանի արտաքին գործերի նախարար Հոսեյն Ամիր Աբդոլահիանը բարձր է գնահատել երեկ Բաքվում տեղի ունեցած հանդիպումն Ադրբեջանի նախագահ Իլհամ Ալիևի հետ:«Կայացավ կառուցողական, երկարատև և արդյունավետ հանդիպում Ադրբեջանի հարգելի նախագահի հետ: Ենթադրվում է, որ այս անկեղծ զրույցը նոր էջ կբացի բարեկամական և եղբայրական երկու հարևաննների հարաբերություններում և կհիասթափեցնի չարակամներին», - Twitter-ում գրել է Աբդոլահիանը:
Ադրբեջանի նախագահը և Իրանի արտգործնախարարը հանդիպել են Բաքվում գումարված Չմիավորման շարժման գագաթնաժողովի շրջանակում: