ՆԱՏՕ-Ն ՄԵԿՆԱԲԱՆԵԼ Է ԱԴՐԲԵՋԱՆԻ ԵՎ ՀԱՅԱՍՏԱՆԻ ՂԵԿԱՎԱՐՆԵՐԻ ՄՅՈՒՆԽԵՆՅԱՆ ՀԱՆԴԻՊՈՒՄԸ
ՆԱՏՕ-ում մեկնաբանել են Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպումը Մյունխենի անվտանգության համաժողովի շրջանակներում կայացած «Շարժելով սարե՞ր. Անվտանգության ամրապնդում Հարավային Կովկասում» պանելային քննարկմանը:Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան Twitter-ի իր էջում գրառում է կատարել։
«Դա իսկապես արդիական է: Դա Հարավային Կովկասում կայունության ապահովման բանալին է։ ՆԱՏՕ-ն աջակցում է Հայաստանի և Ադրբեջանի միջև հարաբերությունների կարգավորմանը»,- ասվում է գրառման մեջ։