ՄԻՐԶԱԽԱՆՅԱՆԸ ԵՎՐՈՊԱՑԻ ՊԱՇՏՈՆՅԱՆԵՐԻՆ ԿԱՇԱՌԵԼ Է ԲԱՐԵՆՊԱՍՏ ՕՐԻՆԱԳԾԵՐ ՆԵՐԿԱՅԱՑՆԵԼՈՒ ԴԻՄԱՑ
«Կազմակերպված հանցավորության և կոռուպցիայի լուսաբանման նախագիծ» կենտրոնը մի շարք այլ կառույցների հետ համատեղ հետաքննությամբ պարզել է, որ Ռուսաստանը եվրոպացի պաշտոնյաներին կաշառել է Ղրիմի և միջազգային պատժամիջոցների հարցում Ռուսաստանի համար բարենպաստ օրինագծեր ներկայացնելու դիմաց:Ըստ փետրվարի 3-ին հրապարակված զեկույցի, Պետական դումայի աշխատակազմի պաշտոնյա Սարգիս Միրզախանյանը համակարգել է եվրոպացի քաղաքական գործիչներին կաշառելու աշխատանքը: Եվրոպացի օրենսդիրները կարող էին մինչև 20 հազար եվրո ստանալ Ռուսաստանի շահերն ապահովելու համար:
Միրզախանյանը ռուսական և ուկրաինական մամուլում պատվիրել է Մոսկվայի համար բարենպաստ հոդվածներ, վարձել է բլոգերներ, կազմակերպել է ռուսամետ հանրահավաքներ և կապեր է հաստատել Եվրոպայի մի շարք երկրների քաղաքական գործիչների հետ: Դա արվել է ռուսամետ օրակարգը եվրոպական պետություններում առաջ տանելու նպատակով: