ԱԴՐԲԵՋԱՆԱԿԱՆ ԲԱՆԱԿՆ ԱՄԵՆԱՈՒԺԵՂՆ Է ՀԱՐԱՎԱՅԻՆ ԿՈՎԿԱՍՈՒՄ
Global Firepower պորտալի միջազգային վարկանիշի համաձայն՝ 2023 թվականին Ադրբեջանը ռազմական հզորությամբ 145 երկրների շարքում զբաղեցրել է 57-րդ տեղը։ Վրաստանը զբաղեցնում է 85-րդ տեղը, իսկ Հայաստանը՝ 94-րդը։Վարկանիշը կազմելիս հաշվի են առնվում 60 անհատական գործոն՝ կոնկրետ երկրի ցուցանիշը որոշելու համար։
Հաշվի են առնված քանակական ցուցանիշներն ու ավիացիայի, զրահատեխնիկայի, ռազմածովային ուժերի հզորությունը և այլն։ Բացի այդ, հաշվի են առնվում պետության բնական ռեսուրսների առկայությունը, աշխատուժը, տրանսպորտային և լոգիստիկ հնարավորությունները։ Կարևոր տեղ է հատկացվում երկրի ռազմական բյուջեի, արտաքին պարտքի, արժութային պահուստների չափին և նրա գնողունակությանը։
Նշենք, որ 2022 թվականի վարկանիշային աղյուսակում Ադրբեջանը զբաղեցրել է 63-րդ տեղը։