ԱԴՐԲԵՋԱՆԻ ԱԳՆ. ՀԱՅԱՍՏԱՆԻ ԱՆՊԱՏԺԵԼԻՈՒԹՅՈՒՆԸ ՃԱՆԱՊԱՐՀ Է ՀԱՐԹՈՒՄ ՆՈՐ ՀԱՆՑԱԳՈՐԾՈՒԹՅՈՒՆՆԵՐԻ ՀԱՄԱՐ
Դեկտեմբերի 14-ին Քելբաջարում Հայաստանի կողմից տեղադրված ականի պայթյունի հետևանքով չորս քաղաքացիական աշխատող ծանր վիրավորվել է։Այս մասին ասվում է Ադրբեջանի արտաքին գործերի նախարարության թվիթերյան էջում զետեղված հայտարարության մեջ։
«Բացի այդ, զոհվել է մեկ ենթասպա, երեք զինծառայող վիրավորվել է։ 2020 թվականի պատերազմի ավարտից հետո ականների զոհերի թիվը հասել է 278-ի։ Հայաստանի անպատժելիությունը ճանապարհ է հարթում նոր հանցագործությունների համար»,- ասվում է հաղորդագրությունում։