ՀԵՐԱԽՈՍԱԶՐՈՒՅՑ ԻՐԱՆԻ ԶՈՒ-Ի ՇՏԱԲԻ ՊԵՏԻ ՈՒ ԱԴՐԲԵՋԱՆԻ ՊՆԱԽԱՐԱՐԻ ՄԻՋԵՎ
Իրանի զինված ուժերի շտաբի պետ Մոհամմադ Հոսեյն Բաքերին և Ադրբեջանի պաշտպանության նախարար Զաքիր Հասանովը երկու երկրների պատրաստակամությունն են հայտնել և ողջունել ընդհանուր սահմանի երկայնքով համատեղ զորավարժությունների անցկացման գաղափարը, գրում է Tasnim գործակալությունը։Զրուցակիցներն ընդգծել են Ադրբեջանի և Հայաստանի միջև լարվածությունը թուլացնելու համար երկխոսության անհրաժեշտությունը։
Ադրբեջանի պաշտպանության նախարարն ասել է, որ Բաքվի և Երևանի միջև խնդիրները կարող են կարգավորվել երկխոսության և բարեկամության միջոցով։
Հասանովը նաև ընդգծել է, որ Ադրբեջանը չի ծրագրում գրավել հայկական հողը կամ ռազմական գործողություն սկսել հայկական տարածքները վերահսկողության տակ առնելու համար։