ԱԴՐԲԵՋԱՆԻ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅՈՒՆԸ ԴԱՏԱՊԱՐՏԵԼ Է ԹՈՒՐՔԱԿԱՆ ԴՐՈՇԻ ԱՅՐՈՒՄԸ ՀԱՅԱՍՏԱՆԻ ՄԱՅՐԱՔԱՂԱՔ ԵՐԵՎԱՆՈՒՄ «ՋԱՀԵՐՈՎ ԵՐԹԻ» ԺԱՄԱՆԱԿ
Ադրբեջանի արտաքին գործերի նախարարությունը դատապարտել է թուրքական դրոշի այրումը Հայաստանում։ Այս կապակցությամբ ԱԳՆ-ն հայտարարություն է տարածել: Հայտարարության մեջ նշվում է, որ Ադրբեջանի արտգործնախարարությունը խստորեն դատապարտում է թուրքական դրոշի այրումը Հայաստանի մայրաքաղաք Երևանում «ջահերով երթի» ժամանակ։«Հայաստանի կառավարությունը պետք է ժամանակին կանխեր նման արշավը, որը էթնիկական հողի վրա արմատացած ատելության մարմնացում է, և ձեռնարկեր համապատասխան անվտանգության միջոցառումներ։ Բացարձակապես անընդունելի է աչք փակել՝ ժողովրդավարական նորմերի, հավաքների ազատության և խոսքի ազատության պատրվակով անցկացվող նման անընդունելի գործողությունների վրա։ Դեռևս ռևանշիստական և էթնիկական ատելության վրա հիմնված ֆաշիստական գաղափարախոսության հստակ դրսևորման քայլերը պետք է դատապարտվեն և կանխվեն միջազգային մակարդակով։ Մենք կոչ ենք անում Հայաստանի կառավարությանը՝ պատասխանատվության ենթարկել այդ գործողությունները կատարողներին», - նշվում է հայտարարության մեջ։