ԱԴՐԲԵՋԱՆԸ ՖՐԱՆՍԻԱՅԻՆ ՀԻՆԳ ՊԱՀԱՆՋ Է ՆԵՐԿԱՅԱՑՐԵԼ
Փարիզում Ադրբեջանի դեսպանատան շենքի վրա հայ արմատականների հարձակումից հետո դեսպան Ռահման Մուստաֆաևը Ֆրանսիային է ներկայացրել ադրբեջանական կողմի հինգ պահանջները:Այս մասին նա գրել է Twitter-ի իր պաշտոնական միկրոբլոգում։
«Բաքուն Փարիզից պահանջում է միջադեպի մանրակրկիտ հետաքննություն անցկացնել, դրան համապատասխան իրավական գնահատական տալ, մեղավորներին պատասխանատվության ենթարկել, փոխհատուցել պատճառված վնասը և կազմակերպել շուրջօրյա ոստիկանական հսկողություն դեսպանատան առջև»,- նշել է դեսպանը: