ՌՈԲԵՐՏ ՄՈԲԻԼԻ. ԱՅՍ ԵԿԵՂԵՑԻՆԵՐԸ, ՏԱՃԱՐՆԵՐԸ, ԱՅՍ ԱՄԵՆԸ ՄԵՐ ԺԱՌԱՆԳՈՒԹՅՈՒՆՆ ԵՆ, ԴՐԱՆՔ ՀԱՅԵՐԻ ՀԵՏ ԿԱՊ ՉՈՒՆԵՆ
«Մեր ազատագրված տարածքներում կրոնական հուշարձաններ այցելելու հիմնական նպատակն այն է, որ Աստծո տները, որոնք նաև մեր մշակութային ժառանգությունն են, չամայանան»։ Այս մասին ասել է Ադրբեջանի ալբանա-ուդինական քրիստոնեական կրոնական համայնքի նախագահ Ռոբերտ Մոբիլին։«Գրեթե 200 տարվա ընթացքում հայերը յուրացրել են այդ վայրերը։ Կարծում եմ՝ դա տեղի է ունեցել մասամբ այն պատճառով, որ մենք բաց թողեցինք պահը, երբ նրանք սկսեցին հավակնել մեր հողերին, ինչպես նաև նրանց նկատմամբ մեր մարդկային վերաբերմունքի պատճառով»։
«Այս եկեղեցիները, տաճարները, այս ամենը մեր ժառանգությունն են, դրանք հայերի հետ կապ չունեն: Ադրբեջանն իրավամբ ժառանգորդն է այս հուշարձանների, իսկ մենք՝ կրոնական ժառանգներն ենք», - ասել է Ռոբերտ Մոբիլին: