ՋՈՐՋԻԱ ՄԵԼՈՆԻՆ ՇՆՈՐՀԱԿԱԼՈՒԹՅՈՒՆ Է ՀԱՅՏՆԵԼ ԻԼՀԱՄ ԱԼԻԵՎԻՆ՝ ԻՏԱԼԻԱՅՈՒՄ ՎԱՌԵԼԻՔԻ ԳՆԵՐԻ ՎԵՐԱԲԵՐՅԱԼ ԱԴՐԲԵՋԱՆԻ ՊԵՏԱԿԱՆ SOCAR ԸՆԿԵՐՈՒԹՅԱՆ ԿՈՂՄԻՑ ԿԱՅԱՑՎԱԾ ՈՐՈՇՄԱՆ ՀԱՄԱՐ
Ադրբեջանի պետական SOCAR նավթային ընկերությունը, հետևելով իտալական Eni-ին, որոշել է սահմանափակել բենզինի և դիզելային վառելիքի գները իր դուստր Italiana Petroli (IP) ընկերության ցանցում։Այս մասին հայտարարել է Իտալիայի վարչապետ Ջորջիա Մելոնին։
«Eni-ին հետևելով, IP-ն նույնպես որոշել է սահմանափակել վառելիքի գները ամբողջ երկրում։ Սա իտալական ընտանիքների նկատմամբ ուշադրության կարևոր նշան է և հաստատում առ այն, որ մենք կարող ենք կոնկրետ ներդրում ունենալ վառելիքի ծախսերի կրճատման գործում», - ասել է Մելոնին։
Նա շնորհակալություն է հայտնել Ադրբեջանի նախագահ Իլհամ Ալիևին այս քայլի համար, որը, նրա խոսքով, ամրապնդում է երկու երկրների միջև համագործակցությունը, ինչպես նաև SOCAR-ի նախագահ Ռովշան Նաջաֆին։
SOCAR-ը նախկինում հայտարարել էր IP բաշխման ցանցում բենզինի և դիզելային վառելիքի գների սահմանափակումներ սահմանելու պատրաստակամության մասին։
Գների սահմանափակումը կներդրվի փուլ առ փուլ՝ սկսած IP ցանցից։