ԹՈՒՐՔԻԱՆ ՀՊԱՐՏԱՆՈՒՄ Է ԵՂԲԱՅՐԱԿԱՆ ԱԴՐԲԵՋԱՆԻ ՆՎԱՃՈՒՄՆԵՐՈՎ. ԷՐԴՈՂԱՆ
Թուրքիայի նախագահ Ռեջեփ Թայիփ Էրդողանը շնորհավորական նամակ է հղել նախագահ Իլհամ Ալիևին՝ Ադրբեջանի Անկախության օրվա կապակցությամբ։«Իմ և իմ ժողովրդի անունից անկեղծորեն շնորհավորում եմ Ձերդ Գերազանցությանը և եղբայրական ադրբեջանական ժողովրդին մեր հայրենի Ադրբեջանի Անկախության օրվա առթիվ։
Այս նշանակալի տոնի տարեդարձին Թուրքիան, որը միշտ ուրախության և վշտի մեջ մոտ է իր հայրենի Ադրբեջանին, հպարտանում է իր եղբայրական երկրի նվաճումներով՝ ինչպես տարածաշրջանում, այնպես էլ դրանից դուրս։ Մենք ուրախ ենք մեր փոխադարձ կամքի համար՝ ամրապնդելու մեր գերազանց հարաբերությունները «Մեկ ազգ, երկու պետություն» սկզբունքի ոգով։ Ուրախությամբ եմ նշում, որ եղբայրական կապերն ու մեր եզակի համագործակցությունը մեզ ամեն օր ավելի են մոտեցնում մեր ընդհանուր զարգացման նպատակներին՝ մեր երկրները դարձնելով ավելի ուժեղ և բարգավաճ», - ասվում է նամակում։