ԻԼՀԱՄ ԱԼԻԵՎ. ՄԵՆՔ ՀԱՎԱՏՈՒՄ ԵՆՔ, ՈՐ ԱՐԵՎՄՏՅԱՆ ԱԴՐԲԵՋԱՆՑԻՆԵՐԸ ԱՆՎՏԱՆԳ ԵՎ ԱՐԺԱՆԱՊԱՏՎՈՐԵՆ ԿՎԵՐԱԴԱՌՆԱՆ ԻՐԵՆՑ ՀԱՅՐԵՆԻՔ, ԵՎ ՈՐ ՏԱՐԱԾԱՇՐՋԱՆՈՒՄ ԿՀԱՍՏԱՏՎԻ ԵՐԿԱՐԱՏԵՎ ԽԱՂԱՂՈՒԹՅՈՒՆ
Ադրբեջանի նախագահ Իլհամ Ալիևը ուղերձ է հղել «Վերադարձը Արևմտյան Ադրբեջան՝ որպես մարդու իրավունքների գերակայության կարևոր պայման» թեմայով միջազգային խորհրդաժողովի մասնակիցներին:«Արևմտյան Ադրբեջանում՝ ներկայիս Հայաստանի տարածքում, 1918-1921, 1948-1953 և 1987-1991 թվականներին իրականացվել են համակարգված և լիակատար էթնիկ զտումներ, և այդպիսով, Հայաստանում չի մնացել ոչ մի ադրբեջանցի։ Այս էթնիկ զտումը, բացի մեծ մարդասիրական ողբերգություն լինելուց, ծառայեց նաև չարագործ աշխարհաքաղաքական նպատակին՝ այն է կտրել Ադրբեջանի հիմնական մասի և Նախչըվանի միջև ցամաքային կապը՝ 1920 թվականին Արևմտյան Զանգեզուրը Ադրբեջանից պոկելով և Հայաստանին միացնելով։
Հայաստանը ոչնչացրել է Արևմտյան Ադրբեջանում հազարամյակներ շարունակ ապրած ադրբեջանցիների հարուստ մշակութային ժառանգությունը, այդ թվում՝ հին բնակավայրերը, մզկիթները, սրբավայրերը և գերեզմանատները» ասված է նախագահի ուղերձում։
«Մենք հավատում ենք, որ արևմտյան ադրբեջանցիները անվտանգ և արժանապատվորեն կվերադառնան իրենց հայրենիք, և որ տարածաշրջանում կհաստատվի երկարատև խաղաղություն», - ընդգծել է Իլհամ Ալիևը: