ԲԱՔՎԻ ԴԱՏԱՎԱՐՈՒԹՅՈՒՆ. ԲԱԲԱՅԱՆԸ ԴԵՄ Է ՂԱՐԱԲԱՂՑԻ ՀԱՅԵՐԻ ԻՆՏԵԳՐՄԱՆԸ ԱԴՐԲԵՋԱՆԱԿԱՆ ՀԱՍԱՐԱԿՈՒԹՅԱՆԸ
Ապրիլի 7-ին տեղի է ունեցել Հայաստանի քաղաքացիներ Արայիկ Հարությունյանի, Արկադի Ղուկասյանի, Բակո Սահակյանի, Դավիթ Բաբայանի, Դավիթ Իշխանյանի, Լևոն Մնացականյանի և այլոց գործով հերթական դատավարությունը, որոնք մեղադրվում են խաղաղության և մարդկության դեմ հանցագործությունների, ռազմական հանցագործությունների, ներառյալ ագրեսիվ պատերազմ վարելու, ցեղասպանության, ահաբեկչության, ահաբեկչության ֆինանսավորման, իշխանության ապօրինի զավթման և Ադրբեջանի դեմ ուղղված այլ անօրինական գործողությունների մեջ:ԱԶԵՐԹԱՋ-ի փոխանցմամբ՝ Բաքվի զինվորական դատարանում դատավոր Զեյնալ Աղաևի նախագահությամբ տեղի ունեցած դատական նիստում բոլոր մեղադրյալներն ապահովվել են թարգմանիչներով և փաստաբաններով:
Անբաստանյալ Դավիթ Բաբայանը հաստատել է, որ տարբեր «պատասխանատու պաշտոններ» է զբաղեցրել ինքնահռչակ ռեժիմում, այդ թվում՝ «նախագահի խորհրդական», «արտաքին գործերի նախարար»։ Նա հայտնել է, որ լինելով «արտաքին գործերի նախարար՝ որպես Հայաստանի քաղաքացի այցեր է կատարել արտերկիր և հայկական անձնագիր է օգտագործել արտասահմանյան ուղևորությունների համար, իսկ Հայաստանի արտաքին գործերի նախարարությունը տեղյակ է եղել այդ ուղևորությունների մասին։
Բաբայանը հայտարարել է, որ դեմ է եղել Ղարաբաղում բնակվող հայերի ինտեգրմանը ադրբեջանական հասարակությանը։ Նա հայտնել է, որ ինտեգրմանը դեմ են նաև Ադրբեջանում պահվող անջատողական ռեժիմի նախկին ղեկավարները՝ Արայիկ Հարությունյանը, Ռուբեն Վարդանյանը և մյուսները։