ԱՅԽԱՆ ՀԱՋԻԶԱԴԵՆ ԱՐՁԱԳԱՆՔԵԼ Է ՓԱՇԻՆՅԱՆԻ ԱՌԱՋԱՐԿՆԵՐԻՆ
Եվ ինչ է իրականում նշանակում այս ամենը: Պարոն Փաշինյան, թող ձեր գործողություններն ավելի շատ խոսեն, քան՝ բառերը: Այս մասին իր X-ի էջում գրել է Ադրբեջանի ԱԳՆ մամուլի քարտուղար Այխան Հաջիզադեն:«Հետաքրքիր է, որ ձեր «խաղաղասիրական պատմությունը» խուսափում է տարածաշրջանում կայուն խաղաղության և կայունության հաստատման կարևորագույն տարրից՝ պետությունների տարածքային ամբողջականության և ինքնիշխանության հարգումից:
Եթե ՀՀ-ն իսկապես շահագրգռված է իր հարևանների հետ խաղաղության հաստատմամբ, ինչու եք դուք հրաժարվում Ձեր Սահմանադրության և ազգային օրենսդրության շրջանակներում «Արևմտյան Հայաստան» և «Լեռնային Ղարաբաղի Հանրապետություն» կոչվող տարածքների նկատմամբ հավակնություններից հրաժարվելու գործընթաց սկսել:
Կներեք, բայց ձեր փաստարկները չեն կարող դիտարկվել որպես Հայաստանի «բարի մտադրությունների» հաստատում»,- գրել է Հաջիզադեն։